拍青瓜

一熱就熱到咁，出街仲要戴口罩，真係難頂。
大少成日話要食多D蔬菜類，為有諗下計，轉下煮的方法，見而家天氣熱，涼拌菜就合晒河車~~~~~~~~~~~~~~~
我在月初返安全島，有教工人姐姐整尼個涼拌菜，我同佢講，調味料大約係尼幾種，如果食辣的，可以加辣椒或辣油，無準則，只要你自己調教到合適的味道就可以。
我的做法，先試下青瓜，大唔大草青味，如果無，我就唔用鹽出水，咁樣青瓜就更加爽脆。

材料 ﹕

小黃瓜(青瓜)            數條

蒜茸                         2湯匙

調味 ﹕ 

鎮江醋                     5湯匙

黃糖                         2湯匙

生抽                         1茶匙

素食蠔油                 1茶匙

麻油                           少許

做法 ﹕

1. 小黃瓜洗淨切段，放入保鮮袋內，用刀拍下，每件有少許裂開(方便入味)，放雪櫃雪凍。

2. 調味料拌勻後，放雪櫃雪凍。

3. 食前一小時，調味倒入袋，與小黃瓜拌勻，醃約1小時，即成。