蓮藕支竹炆腩排

雪櫃內的兩節蓮藕，在過年前買嚟壓年，係時候煮埋嚟食，如果整蓮藕餅又用唔晒，不如炆腩排，放工即去豬肉檔，見還有腩排，於是買咗兩條，三個人食夠晒。

材料 ﹕蓮藕支竹炆腩排

蓮藕        2節

支竹        8條 (凍肉店買)

腩排        2條 (約12兩)

南乳        2磚

冰糖        1粒 (約手指公大)

薑         4-5片

蒜頭        1粒 (切片)

醃料 ﹕

胡椒粉         少許

紹酒        0.5湯匙

生抽        1.5湯匙

老抽           1茶匙

蠔油           1茶匙

生粉           1茶匙

油                 少許

 

做法 ﹕

1. 買腩排時，請肉檔主將腩排斬成適合用作炆的尺寸，回家用清水浸10分，清洗乾淨，用廚紙抹乾水份，加入醃料醃15分鐘左右。

2. 蓮藕切去頭尾，用小刀或西式匙羮刮去表皮，沖洗乾淨，切件及拍扁，備用。

3. 南乳加入1茶匙紹酒，用匙羮壓爛，備用。

4. 支竹用熱水拖一拖，取起備用。

5. 燒熱鍋(或鑊)，加入油燒熱，下腩排稍煎兩邊，加入蒜片兜勻，取起備用。

6. 原鍋(或鑊)，加少許油，下薑片及南乳爆香，加入蓮藕件炒勻(為免乾身至蓮藕濃，其間要慢慢注入少許清水)，把腩排回鍋兜勻，注入過面清水及冰糖，煮滾後蓋上蓋，慢火炆45分鐘。

  

6. 加入支竹兜勻，再炆5分鐘，試味即成。

備註 ﹕

- 各家的爐火及鍋具不同，受熱及鎖水各異，自行調節。

- 我用LOCK N LOCK鍋，鎖水幾好，其間沒有加過水，炆完45分鐘後，腩排已淋及剩下的湯水剛好。所以無加時及埋茨。

   

 

鹽麴煎焗豬鞍扒

    星期六晚已將三件豬鞍扒放雪櫃上格解凍，星期日食完早餐就醃定，準備做晚餐。

    醃好後，我就攪衞生，攪到一半，老爺話順便執下小姐間房啦，D公仔堆到想開下窗都唔得。我簡直踏落個洞到，一執就執到五六點，腰骨都痛。中場兩點幾都係食外賣，何況晚餐呢，邊有體力去煮(成機偷下懶😜)

由於琴晚無煮，今日就唔洗買餸......

鹽麴煎焗豬鞍扒

材料 ﹕

豬鞍扒       3塊

鹽麴       2湯匙

急凍小椰菜  適量

三色小甜椒  適量

做法 ﹕

1. 豬鞍扒徹底解凍後，用鹽稀釋鹽水浸15分鐘後，沖洗多次，抹乾水份。

2. 把豬鞍放入食物器皿中，加入鹽麴拌勻，醃約2-3小時。

3. 三色椒切成小塊，小椰菜不用清洗，備用。

4. 煎鑊放入少許油，加熱後，放上豬鞍，每邊煎2分鐘後，加入小椰菜，蓋上蓋焗2分鐘後，反轉豬鞍，再焗2分鐘，用义或食物針刺入肉中，如沒有血水，即可取出，放碟上靜置5分鐘。小椰菜繼續留鑊中。

5. 加入三色甜椒，炒片刻，此時鑊中的汁開收，即可關火，把配菜上碟。

泰式豬頸肉 (氣炸鍋版)

 好耐無買過豬頸肉(急凍品)，用嚟煮餸，上星期買咗一包，差不多1磅，成惠$70+🙊

見唔係成日食，就無所謂，不過真係貴咗好多好多......................

自家食譜 ﹕ 泰式豬頸肉 (氣炸鍋版)

材料 ﹕ 豬頸肉(急凍) 香茅(取白色部分) 蒜頭 芫茜(根部) 檸檬葉 食物膠袋   沾汁 ﹕ 酸柑仔 (泰式青檸檬) 魚露 椰糖 熱水 芫茜

500克 3條 2粒 2根 2片 1個     1-2個 適量 適量 適量 1湯匙

醃料 ﹕(A) 胡椒粉 原味蒜粉 紹酒   醃料 ﹕(B) 椰糖 魚露 生抽 蠔油

少許 1茶匙 1茶匙     1湯匙 1湯匙 1/2湯匙 1茶匙

 

做法 ﹕

1.     豬頸肉徹底解凍後，洗淨抹乾水份，加入醃料(A)醃15-20分鐘。

2.     檸檬葉撕走中間的梗，香茅取用白色部分，切細段。

3.     全部香料(香茅、蒜頭、檸檬葉、芫茜根)及醃料(B)放入攪拌機內打碎。

4.     打拌後，全部倒入食物袋內，加入已醃的豬頸肉拌勻，將袋內的空氣推出後打結，放入雪櫃醃1天。(最少要醃6小時)

5.     氣炸前1小時，從雪櫃取出，置室溫。

 

6.     氣炸鍋煎碟，噴少油，將豬頸肉平放(把香料盡量刮走)，用180度焗8分鐘，轉200度焗5-6分至熟(途中抽出視察是否過濃)，取出待5分鐘，切片上碟。

沾汁 ﹕

1.     芫茜洗淨，用食水加少許鹽浸15-20分鐘。抹乾水份，剪碎，備用。

2.     酸柑仔洗淨，榨出汁液，用篩隔汁(大約有2湯匙)。

3.     椰糖切碎 (我先切約2湯匙)，加入熱水拌至糖溶。

4.     將椰糖水遂少加入酸柑汁內，調至合自己味道。

5.     加入魚露，由1/2茶匙開始，調至合自己味道。加入芫茜，即成。

 

溫馨提示 ﹕

-         不同牌子的調味料，味度不一，自行試味。

-         豬頸肉的油份較多，氣炸時可能會霧出白煙，抽出焗盤再推回，繼續焗就可以。

-         留意﹕由於我分兩轉焗，焗第二轉時溫度已後高，所以第二轉全程用180度焗已經有我想要的顏色。

蒜泥白肉

準備今星期晚餐的餐單時，想起在凍肉鋪見到的五花肉好靚仔，

好順手就寫咗先。

當寫其他時，突然聽到蒜泥_這兩個字。

於是腦海就彈出蒜泥白肉😂

大少好鍾意這道菜，成日取笑我整的_蒜粒白肉

今次我真是做到泥囉😁 

但刀工有待改善😜

食譜 ﹕ 蒜泥白肉

材料 ﹕ 五花肉 ( 1條) 葱 薑 紹酒

450克 2條 2塊 1湯匙

調味料  : 蒜泥 蒜茸 生抽 老抽 黃糖 麻油 辣椒油

1½湯匙 ½湯匙 1湯匙 ½茶匙 1湯匙 1茶匙 1/3茶匙

做法 ﹕

 

1.     跑活水 : 鍋中注人清水，加入腩肉，水要過肉面，開火把水煮至將滾起(水面已呈現污穢的泡泡)，取出肉，沖洗乾淨。

 

2.     煲內注入清水(水要過肉面)，加入腩肉、葱、薑及紹酒，水滾後加蓋轉中慢火煮40分鐘，用筷子插入肉，抽出筷子沒有血水即成。

 

3.     取出用食用水沖洗後，放入冰水(食水)，浸約30分鐘。切簿片上碟。

4.    調味料拌勻，試味備用。

   

5.     把碟放在熱水上，碟熱後，將腩肉排上，繼續打開蓋蒸至肉稍微熱及有肉香，淋上調味，即成。

 溫馨提示 ﹕

-         把碟蒸熱才放上肉，散發肉香。

豚肉生薑燒

小姐早前行經日式連鎖超巿時，買下一支薑蓉，無用過。

佢見我會整生薑燒，就攞出嚟比我，媽媽你用咗佢，唔洗自已蘑薑。

食譜 : 豚肉生薑燒

材料 ﹕ 豚肉片(火鍋) 洋葱 薑

300克 1個 1件

生薑燒汁 ﹕ 日式醬油 味醂 酒 (日本白酒) 黃糖 薑蓉 水

2湯匙 2湯匙 1½湯匙 1½湯匙 1湯匙 1湯匙

做法 ﹕

1.     洋葱去皮，洗淨切絲，備用。

2.     薑去皮蘑成薑蓉(或用成現)，備用。

3.     生薑燒汁放入碗中，拌勻試味，備用。

4.     豚肉沖水後，抹乾水份，放入碗中，加入3湯匙生薑燒汁拌勻，靜置10分鐘。

5.     熱鑊下油，炒香洋葱，加入豚肉片炒至肉轉色，加入生薑燒汁。

6.     煮至收汁，即可上碟。

溫馨提示 ﹕

-         薑蓉或用現成 (日式)。