醬燒雞下腿

好努力下，冷宮的凍肉比我清咗接近九成💪💪，今個周未或周日又可以去上貨。

前晚攞咗包雞下腿放在雪櫃普通格解凍，跟著琴日放工準備晚餐時一併醃定。分開咗兩包，一包放入冷宮，另一包放普通格，留待今日做晚餐。

大少回來時，問我今晚食咩? 我話有尼個焗雞下腿、菜飯同節瓜粟米羮。大少話你不如加多隻燶邊太陽蛋比我。

自家食譜 : 醬燒雞下腿(氣炸鍋)

材料 ﹕

雞下腿    1000克(約11-12隻)

蜜糖      適量 (燒野食用那種)

醃料 ﹕

紹酒      1湯匙

胡椒粉    少許

原味蒜粉  ½茶匙

义燒醬    2湯匙

柱侯醬    2湯匙 

做法 ﹕

1. 雞腿解凍後，用淡鹽水浸20分鐘，抹乾水份。

2. 將雞腿放入食物器皿中，先將醃料內的紹酒加入拌勻後，加入胡椒粉及蒜粉拌勻，之用义將每隻雞腿刺下，以便入味。再將义燒醬及柱侯醬加入拌勻，再用义將每隻雞腿刺下，分開每餐可食份量，放入保鮮袋內，封好口放入雪櫃，最好醃一晚。

3.焗前放室溫1小時。

4.氣炸鍋鋪上牛油紙，噴少許油，將雞腿平放好，用180度焗15分鐘，取出反轉再焗7分鐘，用义刺下無血水出，就掃上蜜糖，再焗2分鐘即成。

同場加映 : 燶邊太陽蛋、菜飯、節瓜粟米羮

孜然雞翼

有蒜泥白肉的同時，點可少得 _ 土匪雞翼。

由於小姐 don't like 好重的孜然粉味，今次要調教一下

同場加映未成功的 : 

1.    醬油溏心蛋 - 醬油過鹹，溏心部分，較為實。唯一成功是蛋黃在中間🙊

2.    涼拌四季豆 - 味道尚可，但稍為淋咗D

 

自家食譜 : 孜然雞翼 ( 氣炸鍋版)

材料 ﹕ 雞中翼 孜然粉 (灑面) 黑芝麻 (灑面)   醃料 A ﹕ 蒜粉 胡椒粉 紹酒

14隻 適量 適量     2茶匙 適量 2茶匙

醃料 B ﹕ 孜然粉 五香粉 辣椒粉 鹽 糖 生粉 生抽 鮮醬油 老抽

1茶匙 1/2茶匙 1/8茶匙 1/4茶匙 1茶匙 1茶匙 1茶匙 1茶匙 1/2茶匙

做法 ﹕

1.      雞翼用鹽水解凍，徹底洗乾淨，把血水推出。

2.      抹乾水份，加入醃料(A)拌勻，醃15分鐘。

3.      醃料(B)用碗先拌勻，加入雞翼中拌勻，醃4小時或過夜(置雪櫃)。

4.      炸前置室溫1小時。

5.      氣炸鍋的煎碟，先噴上少許油，將雞翼鋪上，雞翼面向下，灑上少許孜然粉，用180度焗7分，反轉灑上少許孜然粉及黑芝蔴，將溫度制調至200度，焗5分鐘至黃金色，即可取出。 

溫馨提示 ﹕

-         可用油炸熟雞翼，炸前雞翼兩面灑上少許孜然粉，取出上碟，在雞翼面灑上已炒過的黑芝麻。

蒜茸牛油雞翼

上星期突然好想食蒜茸牛油雞翼，所以在餐單列出，比小姐同大少揀，大少睇到已經👍

昨晚把雞翼放在雪櫃普通格解準備，今日醃的時間就足夠

蒜茸牛油雞翼

 

材料 ﹕ 雞中翼 (約1磅) 蒜茸 牛油 麵粉 膠袋

14隻 1.5湯匙 20-25克 適量 1個

醃料 ﹕(A) 胡椒粉 紹酒 無鹽蒜粉   醃料 : (B) 美極鮮醬油 魚露 糖 生粉

少許 1/2茶匙 1/2茶匙     1茶匙 1茶匙 1茶匙 1茶匙

 

做法：

1.      雞翼用鹽水解凍，徹底洗乾淨，把血水推出。

  

2.      抹乾水份，加入醃料(A)，拌勻。

3.      醃料(B)用碗先拌勻，試味後，才加入雞翼中拌勻，醃約1小時。

4.      將適量麵粉放入膠袋中，把雞翼遂一放入，搖勻，待雞翼上滿粉。

5.      氣炸鍋的煎碟，先噴上適量的油，將雞翼鋪上，雞皮向下，用180度焗7分，反轉再噴少許油，將溫度制調至200度，焗5分鐘至黃金色，即可取出。

  

6.      將牛油放入鑊中，開中慢火把牛油差不多溶解時，下蒜茸轉慢火煮至蒜茸開始轉金黃色，放進雞翼兜勻至沒有牛油，而蒜茸沾在雞翼，即可上碟。

 

溫馨提示 ﹕

-         不同牌子的魚露鹹度不同，先將醃料(B)拌勻試味才加入雞翼，可免不夠味或過鹹。

-         唔用氣炸鍋，用油炸熟雞翼，其餘部驟一樣。

欖菜蜜香骨

小姐見到餐單內的欖菜蒸排骨時，問可唔可以炒。

我反應好快咁答，點解唔可以😉

食譜 : 欖菜蜜香骨 

材料 ﹕ 急凍排骨粒 欖菜 蒜泥 蜜糖 蛋黃 生粉 膠袋 醃料 : 胡椒粉 紹酒 生抽 糖 鹽

(約)450克 1湯匙 1茶匙 約1/2湯匙 1隻 4-5湯匙 1個     少許 1/2茶匙 1½茶匙 1½茶匙 1/4茶匙

做法：

1.   排骨解凍後，用適量鹽水浸20-25分鐘，沖洗多次至沒有血水。抹乾水份，加

    入醃料、蒜泥及蛋黃拌勻，醃約30分鐘。

   

2.   將生粉放入膠袋內，把排骨粒遂粒放入(目的隔去汁液)，用手握著膠袋口，

     然後搖至排骨上滿生粉。

3.   把排骨粒排放在氣炸鍋籃內，噴少許油，用200度焗10分鐘。

  

4.   欖菜隔去油份。燒熱鑊下欖菜，爆香後加入排骨拌勻，加入蜜糖兜勻，即

     成。

 溫馨提示 ﹕

-   排骨放入籃內時，除去多餘的粉末。

-   欖菜先試味，如不夠鹹，加入少許鹽拌勻。我今次這樽欖菜真是好淡好淡。

-   蜜糖，我用BBQ的那種。

-   沒有氣炸鍋，可用油炸熟，其他步驟一樣。

-  利用磨薑茸的磨刀，磨蒜蓉都好正👍   

   

蟹籽墨魚滑釀雞中翼(氣炸鍋版)

經過兩晚的大餐，小姐就話今晚簡單啲。
其實我同老爺食咩都無所謂，於是摷下雪櫃有咩就煮咩(因為今日無出街)
仲有少少雞中翼、又有蟹籽、又有墨魚滑，咁就嚟個釀雞翼啦!
同場加埋個電飯煲版 _ 芝士蘑菇帶子飯
簡簡單又一餐

食譜 : 蟹籽墨魚滑釀雞中翼

材料 ﹕

雞中翼                  9隻

墨魚滑              150克

蟹籽                    適量

生粉                    適量

醃料 ﹕

胡椒粉                少許

紹酒                  1茶匙

生抽               1/2湯匙

老抽                  1茶匙

做法 

1.    雞中翼徹底解凍後，用較剪(或小刀)把雞翼起出骨。

2.    先將雞翼兩邊突出的骨切走，用較剪剪斷筋。利用剪刀沿側邊皮及骨往下剪(要貼骨邊，避免剪破雞皮)分開肉和骨。一邊用力拉出骨，用較刀輕輕輔助，就容易分開。

3.    洗淨已去皮的雞翼，抹乾水份，用醃料醃約30分鐘。

4.    墨魚滑及蟹粉放入碗中，拌勻成餡料，備用。

5.    每件雞翼放入適量的餡料(這份夠釀9隻雞中翼)，不要太多。撲上適量生粉。

6.    氣炸鍋煎碟噴上少許油，把雞翼放上，在雞翼面噴少許，氣炸鍋不用預，直接用200度炸5分鐘，反轉炸5鐘，再反轉炸多2分鐘，即成。

甜酸雞膇 (氣炸鍋版)

繼續留家煮💪💪
早排在凍肉店買咗套無激素的雞中翼同雞膇，新張期內$79一套，都幾抵買。
今日開咗包雞膇試下，都可以。

食譜 ﹕ 甜酸雞膇

材料 ﹕
雞膇                  8隻
生粉                適量
保鮮袋              1個
泰式甜酸醬    適量

醃料 ﹕
胡椒粉           少許
紹酒          1/2茶匙
無鹽蒜粉  1/2茶匙
鹽              1/4茶匙
甜紅椒粉  1/2茶匙

做法 ﹕
1. 雞膇解凍後，用1/2茶鹽(醃料外)拌勻，靜置10-15分鐘。用水洗淨至沒有血水。

2. 抹乾水份，加入醃料拌勻，蓋上保鮮紙，醃最少3小時。
3. 將適量的生粉放入保鮮袋中，把雞膇放入(最好隔走醃汁)，然後手揸袋口，搖勻至雞膇已沾上薄粉。

4. 取出氣炸鍋炸籃，掃上一層薄油，將雞膇鋪上，雞膇面掃上一層油，放回主鍋內，用180度焗10分鍋，轉200度3-5分鐘，即成。
備註 ﹕
- 每個炸鍋不同，自行調節。
- 口味各不同，份量只作參考。

自家义燒 2.0 版

終於出現返雙位數字，希望疫情真係受控。

大家要繼續努力，唔好鬆懈💪💪💪💪💪

星期日已經焗好的义燒，變成今日的晚餐。

焗完後，令我想起細個時，跟老父去茶居食飯時，义燒飯就係好似咁大大舊，义燒面佈滿蜜汁，真係好好食。

我今次無落蜜汁，係就住老爺。

即日焗好的成品

尼個係隔咗一晚，第二包錫紙番焗的成品。

淥兩個麵，加啲菜，又攪掂一餐。

食譜 ﹕ 自家义燒 (氣炸鍋版)

材料 ﹕

梅頭扒                       400克

醃料 ﹕

無鹽薑粉                1/4茶匙

紹酒                           1茶匙

玫瑰露酒                   1茶匙

生抽                       1/2茶匙

义燒醬                      2湯匙

掃面料 ﹕

义燒醬                      2湯匙

做法 ﹕

1. 梅頭扒解凍後，直接加入1/2茶匙鹽(醃料以外)拌勻，靜置15-20分鐘。

2. 清洗至沒有血水，索乾水份，先將醃料拌勻後，加入梅頭扒拌勻醃最少4小時，或過夜。

3. 掃一層油在氣炸鍋的炸籃上，將梅頭扒平放在籃上。

4. 用160度焗5分鐘，取出掃上义燒醬，用160度焗10分鐘。

5. 取出返轉掃义燒醬，再用160度焗10分鐘。

6. 取出散一散熱，如需要掃蜜汁，在這時掃。不想就直接，轉用200度焗3-5分鐘至义燒有少許燶邊，即可。

紙包焗三文魚 (氣炸鍋)

尼幾日的確診，好似恒生指數，高高低低，今日又創新高，本地確診105🙈🙈🙈

繼續留家，自家煮。
今晚真係真係簡單到無朋友，連飯都唔洗煮😂

食譜 ﹕ 紙包焗三文魚肉

材料 ﹕

三文魚肉               2件

薯仔                       1個 (中型)

翠肉瓜                1/4個

檸檬                       4片

牛油                     少許

牛油紙                1-2張 

醃料 ﹕

鹽                          少許

黑椒碎                  少許

做法 ﹕

1. 薯仔去皮洗淨，放入少許鹽及黑椒碎拌勻。

2. 翠肉洗淨，切片，備用。

3. 三文魚洗淨，抹乾水份，加入醃料，醃片刻。

 

4. 將牛油紙放枱上，依次序先放薯仔、翠肉瓜、三文魚、牛油及檸檬片。

5.  包好放入氣炸鍋內，用170度焗15-20分鐘，即成。