髮菜腐皮卷(新豬肉)

自從暑假尾開始，已經無寫BLOG一段時間，而家大有點時間，開始補番之前的食譜。

這個腐皮卷用料簡單，又易做。

 

食譜 ﹕ 髮菜腐皮卷 (新豬肉)

 

材料 ﹕

新豬肉                  1包

腐皮                      1張

髮菜                    少許

白菜仔              300克 (或其他菜)
薑                          1片

調味 ﹕ 

素食蠔油         1茶匙

老抽              1/2茶匙

冬菇粉             1茶匙

清水              1/2碗

獻汁 ﹕

生粉水               適量 (後下)

做法 ﹕

1. 髮菜置入碗中，加入過面水及滴油，浸軟身後，洗淨隔水份，備用。

2. 新豬肉解凍後，剪開包裝袋，全部放入碗中，平均分成8份，備用。

3. 腐皮攤開放平，沾濕一張廚房紙(不用太濕，否則腐皮會穿破)，把腐皮抹一抺，令腐皮稍為軟身，平均剪成8塊。

4. 每塊腐皮放上一份新豬肉，包好，用生枌水封口。

5. 洗淨白菜仔，備用。

6. 燒熱少許油，放入腐皮卷，把兩面煎至黃金色，取起。

7. 原鍋，加入少許油，爆香薑片，下白菜仔及少許鹽炒至軟身。 加入調味料(落鍋前先拌勻)及髮菜煮至滾起。

8. 鋪上腐皮卷，埋獻即成，原鍋上桌。

五指毛桃鮮淮山粟米素湯

 因疫情少咗返安全島，襯有時間就多啲煲吓湯水。

不過，我有我煲湯，小姐同大少就不停食薯片等零🙈

食譜 : 五指毛桃鮮淮山粟米素湯  (補肺益氣)

材料 ﹕

五指毛桃             1扎 (約 80-10克)

鮮淮山                 1條

粟米                     2條

花生                  1/2碗

栗子乾               20粒 (或用10-15粒鮮栗子)

紅棗                     6粒 (去核，我用咗比較大粒，如細粒可用多2-3粒)

清水              12-16碗

做法 ﹕

1. 栗子乾先用水浸30小時，備用。

2. 鮮淮山去才皮，洗淨切件 (處理時緊記戴上膠手套，淮山上黏液有可能導致手痕)。

3. 粟米去衣，留鬚切件，洗淨備用。

4. 紅棗洗淨去核，花生洗淨，備用。

5. 將全部材料連同水一併放進湯煲內，大火煲滾，轉細火煲2小時，下鹽調味即成。

羅漢齋炒麵

今個學年的大假，除咗2019年聖誕及2020年農曆新年加埋放咗幾日外，其他十幾日大假放嚟都係吽菇，其實除咗我之外，佔大部份打工仔都係，因疫情關係，無得周圍飛。祈求不再來，打工的有工返、生意人就生意興隆🙏財源滾滾來...........

今早起來，原來九號風球(海高斯)，仲以為全日唔洗返添😅

點知11點幾就轉咗三號，大家都準備返工啦................

放咗咁日假，又加上打風，返咗半日，都做到儍儍地，好彩琴日已經諗咗今晚食咩野，因為今日適逢七月初一，心血來潮就整個齋炒麵。

食譜 ﹕ 羅漢齋炒麵

材料 ﹕

炒麵餅             1個

粟米芯          4-5條

荷蘭豆            適量

雪耳(已浸發) 適量

雲耳(已浸發) 適量

甘筍                 6片

薑                     3片

調味 ﹕

生抽          1/2湯匙

蠔油          1/2湯匙

香菇粉      1/2茶匙

糖                 2茶匙   

麻油               少許

清水             1/2碗

獻汁 ﹕

生粉水            適量

做法 ﹕

1. 煲滾適量熱水，將粟米芯灼2分鐘後，把荷蘭豆、雪耳、雲耳放進灼1分鐘取起，隔軟水份。

2. 原煲的水再滾起時將麵餅放進，淥至軟身(期間要挑鬆麵體)，隔起沖至麵凍身及隔走水份。

3. 易潔鑊下適量的油(大約2湯匙左右)燒熱，將已麵放入鑊，略為煎至少許金黃後(不要煎濃)，返轉煎第二面，同樣煎至少許黃，即轉放碟上，備用。    

4. 原鑊下少許油，將薑片及甘筍片爆香後，將調味及配菜加入，煮至滾起時，埋獻，即可鋪在麵上，即成。                     

泰式生菜包(新豬肉)

確診數字今日升至三位數，真係令人擔心。
真係真係出街時要戴口罩，勤洗手。大家要自律。
繼續留家，自家煮💪💪

早排姪女推介尼隻"新豬肉"，見有特價100元有3包，買咗放冷宮。終於今日可以出場😂

食譜 ﹕ 泰式生菜包 (新豬肉)

材料 ﹕

新豬肉                1包

紅蘿蔔絲          適量

檸檬葉             5-6片

九層塔                1棵

香茅                    1支

乾葱                    2粒

蒜茸                2湯匙

酸柑汁            1/2個

生菜                  適量

調味 ﹕

素食蠔油        1茶匙

做法 ﹕

1. 新豬肉解凍後，拆開包裝置碗中，備用。

2. 生菜洗淨，用食用水浸片刻，隔水，備用。

3. 檸檬葉洗淨，撕走中間的梗，捲起切絲，備用。

4. 九層塔摘出幾片較大塊的葉，洗淨備用。

5. 香茅洗淨，取用白色部份，用刀拍開，切幼粒，備用。

6. 熱鑊下少許油，將新豬肉加入，炒至鬆開後，扒開中間，再下少許油，加入蒜茸、乾葱及香茅爆香後，將新豬肉一起拌炒。

7. 加入檸檬葉、紅蘿白絲及調味拌勻，關火。將九層塔用手稍握後，加入快手兜勻。

8. 上碟前，加入酸柑汁，成即。

椰菜豬肉卷

這個豬肉卷在2018年到俄羅斯旅行，在一個農莊享用過，好好味，覺得自己都可以整，於是回來後，整過一次，一D都唔難，事隔年多，又整一次，今次我利用蒸肉的汁嚟打茨，效果唔錯。大少一人秒殺4件😂

 

         今次的製成品，肉餡好滑好好味😋

                          

      2018年旅行時食            2018旅行返來，自己整

食譜 ﹕ 椰菜豬肉卷

材料 ﹕ 8件

免治豬肉              300克

椰菜葉                      8塊 (我預多2塊作後備)

蒸肉汁                   1/2碗 (蒸完肉卷後留起作調味用)

甘筍粒                   2湯匙

醃料 ﹕ (A)

胡椒粉                     少許

紹酒                    1/2茶匙

鹽                        1/4茶匙

糖                        1/2茶匙

生抽                       1茶匙

蠔油                       1茶匙

醃料 ﹕ (B)

麥片                       2湯匙

水                           1湯匙

調味 ﹕

蒸肉汁                    1/2碗

生粉                         少許   

做法 ﹕

1. 免治豬肉放碗中，加入醃料(A)順方向拌勻，再加入醃料(B)拌勻，置雪櫃雪25分鐘備用。

2. 椰菜小心撕出10塊，用熱水灼至軟身，放入凍水中再浸一浸。

 

3. 菜葉的梗，用剪刀走部分。放適量的肉餡在菜葉上，捲起。

    

4. 排放碟上，放入蒸爐用100度蒸20分鐘，取出，將肉汁倒出，作調味用。

5. 燒熱鍋，把肉汁倒進及加入甘筍粒，滾起埋茨，淋上肉卷上即成。

               

金菇扒節瓜

老爺唔多喜歡食金菇，佢話食親都夾在牙縫，年紀大牙縫疏(哈哈!)。在煮婦黎講，唔就得咁多，盡量盡量。

食譜 ﹕ 金菇扒節瓜

材料 ﹕ 

節瓜               2個

金菇               1包

薑                   2片

上湯 ﹕ (或用清雞湯，但不算是齋菜)

香菇粉    1/2湯匙 (可用雞粉)

清水               1碗

調味 ﹕

生抽            1茶匙

素食蠔油    1茶匙

老抽         1/2茶匙

湯汁              適量(用回炆節瓜的湯)

芡汁 ﹕

生粉水          適量

做法 ﹕

1. 節瓜用匙羮或刀刮去皮，切去頭尾，切大件。

2. 金菇切去尾部，切小段。

3. 燒熱油，下薑爆香，下節瓜炒片刻，下上湯，加蓋煮至淋。節瓜鋪上碟，湯汁盛起。

4. 調味料加入部分湯汁拌勻，備用。

5. 原鑊下金菇，炒片刻，加入調味，煮滾埋芡，淋上節瓜面，即成。

西洋菜黃豆粟米湯(素湯)

襯而家仍然隔日返工，有時間煲湯，就珍惜下。
大少成日打機夜瞓又食埋d垃圾零食，要同佢清下熱、清下毒。
參考網上一個食譜，我無跟足份量及時間，試下煲黎飲，都唔錯喎!

食譜 ﹕ 西洋菜黃豆粟米湯 

材料 ﹕ 

西洋菜              1斤

粟米                  2條

紅蘿蔔              1個

黃豆                  2兩

腰果                  3兩

熟薏米              1兩

陳皮                  1個

椰棗                  3粒

清水                適量

做法 ﹕

1. 西洋菜用鹽水浸30分鐘，清洗2、3次，隔水備用。

2. 陳皮浸軟，刮去瓤，洗淨備用。椰棗洗淨。

3. 黃豆、熟薏米、腰果用水浸片刻，洗淨備用。

4. 粟米去衣去鬚，洗淨切件；紅蘿蔔洗淨，去皮切件。

5. 煲內注入約3公升水，下果皮大火煲滾。

6. 將其他材料(除西洋菜)放入煲內，用大火煲滾。下西洋菜，用大火煲10分鐘，轉慢火煲90分鐘，下鹽調味即成。

炒雜菇

在家族群組見到d細係咁講，就o黎吽到出菇菇。
哈哈，咁又比我諗到今晚食咩好。就係炒雜菇囉! 買咗兩三種鮮菇，加埋食剩棵生菜，煮埋一齊，又好味又簡單。亦是一道素菜。

食譜 ﹕ 炒雜菇

材料 ﹕

杏鮑菇(雞肶菇)      1隻

姬真菇                     1包

秀珍菇                     8隻

(鮮菇隨意選自己喜歡)

唐生菜                     1棵(隨意，任何蔬菜都可以或不加)

薑                             2片

調味 ﹕

蠔油                     1湯匙(每隻牌子味道不同，自行調節)

糖                         1茶匙

老抽                  1/2茶匙

水                          1/2碗

獻汁 ﹕

生粉水                    少許                       

做法 ﹕

1. 雞肶菇去走尾部潮濕的部分。姬真菇切去根部，撕開。秀珍菇將大朶的切開二。全部菇用廚紙沾上清水，清抺就可，不用浸洗。

2. 白鑊下菇，炒至菇稍為濕潤。

  

3.  加入薑片炒至薑味出時，下調味炒勻。

4.  先加少許生粉水，煮至適合的濃度後，加入生菜炒至生菜軟身，即成。