母親節禮物

小姐知道我會返長洲渡週未，所以預先在星期五送上鮮花作母親節禮物。的確細心😍😘😘

腳傷

成兩個星期無寫Blog，皆因在上個月中，洗廁所地下時，不小心整親個膝頭蓋側的筋。
當日整到都唔覺咁大鑊，只是少少痛，我仲落街買餸，只係拐下拐下咁，但到半夜真是嚟料，落地企都要慢慢，仲要扶住先可以行到。當時以為瞓到第二朝會無咩事。點知第二朝起身，企都企唔到，一行就痛到眼淚水都標出來，唯有請病假睇醫生。
醫生 ﹕條筋應該斷咗!
    我 :  😱咁誇張
醫生 :  少少咁，可能你先前整過，又無為意。留家休息，唔好行來行去，要兩三個月，等佢自己癒合。留家休息兩星期。
   我 : 醫生，我而家都是隔日返工，而且返到去都係坐多過行。你只是比今日病假我就可以。
醫生 : 咁你睇吓星期一返工後點啦! 有需要就回來再。

而家真是年紀大，無端端都攪到咁。

遲來的禮物

老爺諗住玩驚喜，將在情人節的禮物收埋(佢放在自己的櫃桶內，而尼個櫃桶，我好日都唔開，又點會見到)，等我在無意間見到，點知收在半個月，我都無發現，佢都好無耐地靜靜放入我在手袋。尼個故事教訓佢，應該放在我成日都會開的地方，儍瓜。

我問佢，點解又禮物又有利是，佢話比我買電話套(hehe)

真是Thank you so much