櫻花蝦魚湯底龍躉肉米粉

老爺星期六開始作感冒，琴晚開始不流鼻水同打乞嗤。預佢無咩胃口，今晚索性煲粉食。買咗三條紅三魚做湯底，尼三條魚都唔平，三十大元😅

 

銀魚煎蛋

        自從農曆年過後，除本身工作忙外，加上小姐要籌備結婚，唔多唔少都幫下佢手，攪D鎖碎的事，再加埋自己又要睇中醫調理身體，所以一個星期都煮唔到一餐，有時成個星期都外賣或出外食。

小姐的婚禮，終於在上個月底順理完成，開始佢人生另一階段。而我又開始定下來。

因為開始煮番飯，自然就要睇下冰箱、食物櫃等等，遂一打開，先發現先前買落好多罐頭、凍肉，調味料等等，有D已經過期，揀選後有D過期係唔留得，自然去咗堆田區啦，有D寫最佳食用期的，我已經放咗出嚟，要盡快KO佢地。

    

自家食譜 ﹕銀魚煎蛋

材料 ﹕		醃料 ﹕
急凍銀魚(200G)	1包	紹酒	1/2茶匙
雞蛋	3只	胡椒粉	少許
葱	2條
		調味 ﹕
		鹽	1/2茶匙

 

做法 ﹕

1. 銀魚解凍後，沖洗乾淨，抹乾水份，加入醃料拌勻，備用。

2. 葱除去根部及表面的衣，洗淨切粒。

3. 雞蛋打入深碗中，加入調味，打勻成蛋液。

4. 把銀魚及葱放入蛋液中，拌勻。

  

5. 熱鑊下油，油熱後加入蛋液，用中火慢煎蛋液凝固至9成熟後反轉，再煎至全熟，即成。

三文魚伴檸檬忌廉汁配偽椰菜花炒飯

兩個月前，姨甥仔約好過來整"黑森林"生日蛋糕，送我家姐一個驚喜，由於有突發的事，取消了。

在上星期過來補做，由生日蛋糕改為母親節蛋糕。

一公升忌廉，已經整咗兩個蛋糕，仍然有剩。

為免做大嘥鬼，用嚟煮西餐

自家食譜 : 三文魚伴檸檬忌廉汁 (4人份量)

三文魚材料 ﹕ 三文魚柳 露筍 (或自由配搭)   檸檬忌廉汁 材料 ﹕ 檸檬汁 蒜蓉 淡忌廉 無鹽牛油(切粒)

4件 8條       2湯匙 1湯匙 200毫升 30克

醃料 ﹕ 鹽 胡椒粉     調味 ﹕ 糖 鹽 檸檬黑椒碎

1/3茶匙 1/3茶匙       2茶匙 適量 適量

三文魚做法 ﹕

1.     三文魚解凍後，去鱗洗淨，抹乾水份。

2.     醃料拌勻，適量灑上魚肉那面，然後用掃勻，醃15-20分鐘。

3.     露筍削去下半節的皮，切走腳位較老的位置，洗淨切段，備用。

 

4.     熱鑊下少許油，油熱後把魚柳放入，魚皮向下，中火煎約3-5分鐘至魚皮畧帶焦脆及魚肉大約有一半轉色，反轉煎2分鐘，之後再煎兩側各一分鐘，取出。

5.     原鑊(取走多餘的油份)，下露筍炒至軟身，取出作配菜。

檸檬忌廉汁做法 ﹕

  

1.     檸檬汁及蒜蓉放入鍋中，煮滾後轉至最細火，繼煮至汁剩一半右左，加入忌廉拌勻，離火。

2.     加入牛油粒拌勻。

3.     將調味加入，試味，備用。

溫馨提示 ﹕

-         煎魚時間只作參考，視乎魚柳大小再作調節。

-         煮汁的淡忌廉，留意火侯，一轉濃稠時，即離火。

花甲排骨蘿蔔餃子鍋

食過早餐後，小姐話出去啦，要買奶、...............
我就話今晚想食排骨煲，要買材料，家裏無適合的食材。
先到凍肉店，原先只是買梅頭扒儲量，無意間見到包煲湯骨，幾靚而且每件骨都有肉$35.有成1KG，可以用嚟做湯底。

果然唔錯喎，啲肉都香。

食譜 ﹕ 花甲排骨蘿蔔餃子鍋

材料 ﹕

急凍煲湯骨(1包)    1000克

白蘿蔔                           2條

花甲                           600克

胡椒粒                       1湯匙

只是以上材料，個湯都好鮮甜。

以下配料，隨自己喜歡加入其他都可以。

豬肉片                         隨意 (因少爺話要食多啲肉)

餃子                             適量 (我自家包)

支竹                             適量 (我自已喜歡食)

芹菜                             適量 (隨意加唔加，我買蘿蔔時攤檔送的)

排骨跑活力料 ﹕

薑                                 2片

葱                                 2條

紹酒                             1湯匙

醃料 ﹕

鹽                                 2茶匙

做法 ﹕

1.    跑活水﹕湯骨解凍後，放入一鍋內(水要蓋過骨)，將跑活力料全部加入，開中慢火，煲至水將滾，而水面已浮出好多泡及污物，取出沖水洗淨。

 

倒走水後，沉在鑊裏的污物

2.    加入2茶匙鹽醃15-20分鐘，備用。  

3.    蘿蔔去皮，洗淨切件，胡椒粒沖洗。

4.    將蘿蔔、排骨、胡椒粒及清水(過材料面多少少，視乎煮鍋鎖不鎖水)，大火煲滾，轉慢火煲50分鐘。

5.    花甲洗淨，芹菜切段。

6.    湯差不多好前，用另一個鍋，先煮熟餃子，備用。

7.    湯滾好時，轉大火，滾起時加入花甲蓋上鍋蓋，煮5分至花甲全部打開蓋，試味(我沒有再加鹽)，將煮好的餃子鋪上湯上。

8.    用煮餃子的鍋，將豬肉片渌熟(這樣不會令排骨湯轉濁)放入，之後將其他配鋪上，再滾起時，原鍋上桌。

蟹籽墨魚滑釀雞中翼(氣炸鍋版)

經過兩晚的大餐，小姐就話今晚簡單啲。
其實我同老爺食咩都無所謂，於是摷下雪櫃有咩就煮咩(因為今日無出街)
仲有少少雞中翼、又有蟹籽、又有墨魚滑，咁就嚟個釀雞翼啦!
同場加埋個電飯煲版 _ 芝士蘑菇帶子飯
簡簡單又一餐

食譜 : 蟹籽墨魚滑釀雞中翼

材料 ﹕

雞中翼                  9隻

墨魚滑              150克

蟹籽                    適量

生粉                    適量

醃料 ﹕

胡椒粉                少許

紹酒                  1茶匙

生抽               1/2湯匙

老抽                  1茶匙

做法 

1.    雞中翼徹底解凍後，用較剪(或小刀)把雞翼起出骨。

2.    先將雞翼兩邊突出的骨切走，用較剪剪斷筋。利用剪刀沿側邊皮及骨往下剪(要貼骨邊，避免剪破雞皮)分開肉和骨。一邊用力拉出骨，用較刀輕輕輔助，就容易分開。

3.    洗淨已去皮的雞翼，抹乾水份，用醃料醃約30分鐘。

4.    墨魚滑及蟹粉放入碗中，拌勻成餡料，備用。

5.    每件雞翼放入適量的餡料(這份夠釀9隻雞中翼)，不要太多。撲上適量生粉。

6.    氣炸鍋煎碟噴上少許油，把雞翼放上，在雞翼面噴少許，氣炸鍋不用預，直接用200度炸5分鐘，反轉炸5鐘，再反轉炸多2分鐘，即成。

鹹蛋蒸肉餅飯 + 櫻花蝦蒸娃娃菜 (Meile蒸爐)

而家一放工都係直接回家，屋企有儲糧，連街巿都唔洗去。其實有時都好悶，想行下，但基於而家的情況，都係九秒九回家吧🙈

今晚又一爐攪掂，有肉有菜。

老爺見到話，今晚洗少好多沙煲瓦罉😂

食譜 ﹕ 鹹蛋蒸肉餅盎頭飯(Meile蒸爐版)

材料 ﹕ 2人份量

免治豬肉                  300克 

鹹蛋                              1隻

白米                              1杯

清水                              1杯

麥片                          3湯匙

燉盅                              2個 (我用 Le Creuset)

醃料 

胡椒粉                          少許

紹酒                            1茶匙

鹽                             1/4茶匙

糖                             1/2茶匙

生抽                            1茶匙

蠔油                            1茶匙

清水                            1湯匙

做法 ﹕

1. 鹹蛋洗淨，分開蛋黃、蛋白。蛋黃切成兩邊，備用。

2. 免治豬肉放碗中，加入醃料(除清水外)及鹹蛋白，順方向攪拌至有黏性。

3. 加入麥片及清水，攪拌至麥片溶入肉中，置雪櫃15分鐘。

4. 米洗淨，加入清水，平均分入燉盎內，置入蒸爐用100度蒸20分鐘。

5. 取出肉碎，分成兩份。飯蒸好後，將每份肉碎略握成圓，然後放上飯面，稍為壓平，再放上鹹蛋黃。

6. 置入蒸爐用100度蒸18分鐘。即成。

櫻花蝦蒸娃娃菜 (Meile 蒸爐版)

材料 ﹕

娃娃菜              2棵

櫻花蝦乾      2湯匙

清雞湯              1碗

做法 ﹕

1. 娃娃菜撕開一瓣瓣，洗淨，放蒸碟上。

2. 置入蒸爐用100度蒸7分鐘，取出隔走水份。

3. 將清雞湯注入碟中，菜面放上櫻花蝦。置入蒸爐用100度蒸5分鐘即成。

備註 ﹕

蒸飯 + 蒸菜的流程 

1. 將蒸按100度 + 按20分鐘，放入兩盅米，蒸到13分鐘時，放入娃娃菜，繼續至爐響提示時，取出菜及飯。

2. 飯加入肉後，按100度 + 按18分鐘，蒸到13分鐘時，將娃娃菜放入爐肉，繼續蒸至完成所有時間。

紙包焗三文魚 (氣炸鍋)

尼幾日的確診，好似恒生指數，高高低低，今日又創新高，本地確診105🙈🙈🙈

繼續留家，自家煮。
今晚真係真係簡單到無朋友，連飯都唔洗煮😂

食譜 ﹕ 紙包焗三文魚肉

材料 ﹕

三文魚肉               2件

薯仔                       1個 (中型)

翠肉瓜                1/4個

檸檬                       4片

牛油                     少許

牛油紙                1-2張 

醃料 ﹕

鹽                          少許

黑椒碎                  少許

做法 ﹕

1. 薯仔去皮洗淨，放入少許鹽及黑椒碎拌勻。

2. 翠肉洗淨，切片，備用。

3. 三文魚洗淨，抹乾水份，加入醃料，醃片刻。

 

4. 將牛油紙放枱上，依次序先放薯仔、翠肉瓜、三文魚、牛油及檸檬片。

5.  包好放入氣炸鍋內，用170度焗15-20分鐘，即成。

鹽燒油魽魚較 (Happycall)

正清緊冷時，又爆疫情，睇怕尼個計劃又要閣置。
不過都是一路清、一路入貨。
尼兩個魚較在上一次疫情時買入，今晚用個最簡單的方法處決佢😜

食譜 ﹕ 鹽燒油魽魚較

材料 ﹕

油魽魚較                     2個

醃料 ﹕

胡椒粉                       少許

紹酒                         1茶匙

鹽                             1茶匙

做法 ﹕

1. 魚較解凍後，徹底洗淨，抹乾水份，加入醃料，醃20分鐘。

2. 掃一層油在Happycall平面鑊兩邊，加熱1分鐘。

3. 將魚較(皮向上)放入鑊，合上。用中慢火焗4分鐘。

4. 不用開蓋，將整個鑊反轉，打開去氣。再合上，繼續用中慢火焗4分鐘，即成。

美國桶蠔豆腐煲

熱起嚟，我就無心機煮食。所以近排真係少煮，就算煮都係簡簡單單，唔好攪到個人都熱埋。
又嚟一煲過，加個上湯肉片伊麵算數。

食譜 ﹕美國桶蠔豆腐煲

材料 ﹕

美國桶蠔              1杯

百福板豆腐          1盒

葱                          2棵（切短度）

薑                          5片

蒜茸                  1茶匙

紹酒               1/2湯匙

醃料：

胡椒粉                少許

生粉                  1茶匙

調味料：

蠔油                  2茶匙

生抽                  1茶匙

老抽                  1茶匙

糖                   1/2茶匙

生粉                  1茶匙

水                      4湯匙

做法：

1. 將蠔放入筲箕中，加兩湯匙生粉輕輕拌勻，靜置10分鐘。

2. 注入清水在深碗中，將蠔放入，用浸洗方法幾次，水清就可，不要用水沖洗，免沖爛蠔身。隔水備用。
3. 熱滾適量水，將蠔放入，水再滾起時，即取出。抹乾水分，加入醃料拌勻，備用。
4. 豆腐切件，抺乾水份，煎至兩面金黃，盛起備用。
5. 原鍋下少許油，爆香薑片、葱白及蒜茸，灒入紹酒，將調味加入（調味料不用拌勻，留起碗底的生粉沉澱，作埋芡用）。
6. 除即加入豆腐及蠔，蓋上蓋焗2分鐘，埋芡及加入葱段，即成。