泰式豬頸肉 (氣炸鍋版)

 好耐無買過豬頸肉(急凍品)，用嚟煮餸，上星期買咗一包，差不多1磅，成惠$70+🙊

見唔係成日食，就無所謂，不過真係貴咗好多好多......................

自家食譜 ﹕ 泰式豬頸肉 (氣炸鍋版)

材料 ﹕ 豬頸肉(急凍) 香茅(取白色部分) 蒜頭 芫茜(根部) 檸檬葉 食物膠袋   沾汁 ﹕ 酸柑仔 (泰式青檸檬) 魚露 椰糖 熱水 芫茜

500克 3條 2粒 2根 2片 1個     1-2個 適量 適量 適量 1湯匙

醃料 ﹕(A) 胡椒粉 原味蒜粉 紹酒   醃料 ﹕(B) 椰糖 魚露 生抽 蠔油

少許 1茶匙 1茶匙     1湯匙 1湯匙 1/2湯匙 1茶匙

 

做法 ﹕

1.     豬頸肉徹底解凍後，洗淨抹乾水份，加入醃料(A)醃15-20分鐘。

2.     檸檬葉撕走中間的梗，香茅取用白色部分，切細段。

3.     全部香料(香茅、蒜頭、檸檬葉、芫茜根)及醃料(B)放入攪拌機內打碎。

4.     打拌後，全部倒入食物袋內，加入已醃的豬頸肉拌勻，將袋內的空氣推出後打結，放入雪櫃醃1天。(最少要醃6小時)

5.     氣炸前1小時，從雪櫃取出，置室溫。

 

6.     氣炸鍋煎碟，噴少油，將豬頸肉平放(把香料盡量刮走)，用180度焗8分鐘，轉200度焗5-6分至熟(途中抽出視察是否過濃)，取出待5分鐘，切片上碟。

沾汁 ﹕

1.     芫茜洗淨，用食水加少許鹽浸15-20分鐘。抹乾水份，剪碎，備用。

2.     酸柑仔洗淨，榨出汁液，用篩隔汁(大約有2湯匙)。

3.     椰糖切碎 (我先切約2湯匙)，加入熱水拌至糖溶。

4.     將椰糖水遂少加入酸柑汁內，調至合自己味道。

5.     加入魚露，由1/2茶匙開始，調至合自己味道。加入芫茜，即成。

 

溫馨提示 ﹕

-         不同牌子的調味料，味度不一，自行試味。

-         豬頸肉的油份較多，氣炸時可能會霧出白煙，抽出焗盤再推回，繼續焗就可以。

-         留意﹕由於我分兩轉焗，焗第二轉時溫度已後高，所以第二轉全程用180度焗已經有我想要的顏色。