京都骨

今日成日都天陰陰，Lunch 完出外行吓，鬆一鬆，點知一踏出校門，就下著毛毛雨，立刻返轉頭，同事話咁快返來，我話個天唔比我出去囉🙈
自從新鮮豬有問題後，我起碼成年無食新鮮豬。連冰鮮豬我都無買。起初會在凍肉店買急凍，每次只係預兩三餐，後來比我在網店搵到啲凍肉，而又係在食開的品牌，於是同同事夾單，有時同事見到邊處有好野，大家都分享下，怎至又夾單。
總知而家屋企個冰箱的凍肉(豬、牛、雞、魚)無一缺，一缺又補倉😂

食譜 ﹕ 京都骨

材料 ﹕

梅頭扒 (急凍)            3塊 (約400g)

洋葱                            1個

醃料 ﹕

胡椒粉                        少許

紹酒                          1茶匙

糖                              1湯匙

生抽                          2湯匙

老抽                       1/2茶匙

生粉                          1茶匙

油                                少許

汁料 ﹕

茄汁                          3湯匙

白醋                          1湯匙

黃糖                          1湯匙 (或普通砂糖)

老抽                          1茶匙

水                              2湯匙

做法 ﹕

1.    梅頭扒徹底解凍，用水沖洗至沒有血水，抹乾水份，每塊隨意開小件。

2.    醃肉 ﹕ 先加入胡椒粉拌勻、紹酒拌勻，靜置5分鐘，再加入其他醃料(除油外)拌勻，最後加入油拌勻，醃約30分鐘。

3.    洋葱去衣，洗淨切絲，備用。

 

4.    熱鑊下油，油熱後下豬扒，煎至兩面少許黃金色。   

5.    推開豬扒，下洋葱在中間，炒至洋葱有香味。

6.    炒至豬扒約有九成熟。

7.    將汁料先拌勻，才下加入鑊內。

8.    炒勻煮至汁液濃稠及收汁，即可上碟。