韓式麵醬炒肉片

復課之後，已經忙到團團轉。突然又停課，真是忙上加忙🙈
復課初期，完全做咗"無飯主婦"，但疫性嚴重，唯有頂住都要自家煮。
好彩近排得我倆老食，老爺話唔好咁辛苦，簡簡單單就算。

食譜 ﹕韓式麵醬炒肉片

材料 ﹕

豬柳肉(急凍)             300克

椰菜                             1/2個

甘筍(紅蘿蔔)              1/5個 

薑茸                         1/2湯匙

蒜茸                            1湯匙

韓式麵醬(已調味)     1湯匙   

醃料 ﹕

胡椒粉                          少許

紹酒                            1茶匙

鹽                             1/4茶匙

糖                                1茶匙

生抽                            1茶匙

蠔油                            1茶匙

生粉                            1茶匙

做法 ﹕

1. 豬柳肉解凍後，洗淨切片，抹乾水份，加入醃料拌勻，醃約30分鐘，備用。

2. 椰菜切粗件；甘筍去皮，切片，備用。

3. 熱鑊下少許油，將豬柳肉平放鑊上，略煎至兩面有少少黃色(煎時不要攪動，免至出水)。下薑茸、蒜茸炒至肉片有8成熟。

4. 下麵醬及椰菜，繼炒至椰菜軟身，下甘筍片炒至肉片全熟，即成。