番茄炆豬軟骨

今日完全無出過街，一個人在家中，點都要搵野攪吓，打發時間。先整🍞🍞，跟著就炆定個豬軟骨今晚食。先至叫個外賣下午茶☕️（一餐當兩餐食）
今次轉用另一個方法，個軟部分淋咗好多，但仍未做到好似啫喱般，繼續努力💪🏻

食譜：番茄炆豬軟骨

 

材料 : 

豬軟骨         900克

番茄(中型        3個

甘筍                 1條

西芹                 2支

洋葱                 1個

香葉                 3片

蒜茸             1湯匙

茄膏             2湯匙

清雞湯     500毫升

清水               適量

紹酒             1湯匙

冰糖                1粒（約手指公大）

做法：

1. 豬軟骨全完解凍後，加入2茶匙鹽拌勻，靜置15-20分鐘，用水沖洗至沒有血水，抹乾水份，備用。

2. 洋葱去衣，洗淨切角；西芹洗淨，切細段，備用。

3. 番茄洗淨，去蒂切件，備用。

4. 鍋中下適量油，燒熱後，下豬軟骨煎至兩面稍金黃(其間會不段出水，要用廚房紙索走水)。

5. 下蒜茸、洋葱及西芹，爆香後，灒入紹酒。

6. 加入清雞湯及清水，要蓋過豬軟骨面，加入香葉及冰糖。

7. 蓋上煲蓋，大火煮滾後，轉細火炆1小時，關火焗15分鐘。

 

8. 開大火，加入茄膏及2個份量的番茄拌勻，煮滾後加上煲蓋，轉細火炆45分鐘，關火焗(最少30分鐘)至進食前，加入餘下的番茄，煮滾後，試味(用生抽或糖)即成。

紙包焗三文魚 (氣炸鍋)

尼幾日的確診，好似恒生指數，高高低低，今日又創新高，本地確診105🙈🙈🙈

繼續留家，自家煮。
今晚真係真係簡單到無朋友，連飯都唔洗煮😂

食譜 ﹕ 紙包焗三文魚肉

材料 ﹕

三文魚肉               2件

薯仔                       1個 (中型)

翠肉瓜                1/4個

檸檬                       4片

牛油                     少許

牛油紙                1-2張 

醃料 ﹕

鹽                          少許

黑椒碎                  少許

做法 ﹕

1. 薯仔去皮洗淨，放入少許鹽及黑椒碎拌勻。

2. 翠肉洗淨，切片，備用。

3. 三文魚洗淨，抹乾水份，加入醃料，醃片刻。

 

4. 將牛油紙放枱上，依次序先放薯仔、翠肉瓜、三文魚、牛油及檸檬片。

5.  包好放入氣炸鍋內，用170度焗15-20分鐘，即成。

柚子蜜雞翼

日日都30幾度，真係熱到人都癲。
點倦點辛苦都要堅持，自家煮。
今晚整個酸酸甜甜的雞翼，配個米粉，簡單得嚟又唔失禮，起碼易入口✌✌

食譜 ﹕ 柚子蜜雞翼

材料 ﹕

雞中翼               6隻

生粉                 少許

醃料 ﹕

胡椒粉             少許

紹酒            1/2茶匙

調味 ﹕

柚子蜜           1湯匙

清水               2湯匙

做法 ﹕

1. 雞翼解凍後，加入1茶匙鹽拌勻，靜置20分鐘。

2. 徹底清洗雞翼，抹乾水份，加入醃料拌勻，醃約30分鐘。

3. 隔走醃料汁，加入生粉拌勻。

4. 燒熱少許油，放入雞翼，煎至兩面金黃，約 9成熟，取起。

5. 用廚房紙索走多餘的油，加入調味，煮至滾起時，將雞翼放入，煮至汁濃稠，雞翼熟透及汁已掛上，即可上碟。

韓式麵醬炒肉片

復課之後，已經忙到團團轉。突然又停課，真是忙上加忙🙈
復課初期，完全做咗"無飯主婦"，但疫性嚴重，唯有頂住都要自家煮。
好彩近排得我倆老食，老爺話唔好咁辛苦，簡簡單單就算。

食譜 ﹕韓式麵醬炒肉片

材料 ﹕

豬柳肉(急凍)             300克

椰菜                             1/2個

甘筍(紅蘿蔔)              1/5個 

薑茸                         1/2湯匙

蒜茸                            1湯匙

韓式麵醬(已調味)     1湯匙   

醃料 ﹕

胡椒粉                          少許

紹酒                            1茶匙

鹽                             1/4茶匙

糖                                1茶匙

生抽                            1茶匙

蠔油                            1茶匙

生粉                            1茶匙

做法 ﹕

1. 豬柳肉解凍後，洗淨切片，抹乾水份，加入醃料拌勻，醃約30分鐘，備用。

2. 椰菜切粗件；甘筍去皮，切片，備用。

3. 熱鑊下少許油，將豬柳肉平放鑊上，略煎至兩面有少少黃色(煎時不要攪動，免至出水)。下薑茸、蒜茸炒至肉片有8成熟。

4. 下麵醬及椰菜，繼炒至椰菜軟身，下甘筍片炒至肉片全熟，即成。    

鹽燒油魽魚較 (Happycall)

正清緊冷時，又爆疫情，睇怕尼個計劃又要閣置。
不過都是一路清、一路入貨。
尼兩個魚較在上一次疫情時買入，今晚用個最簡單的方法處決佢😜

食譜 ﹕ 鹽燒油魽魚較

材料 ﹕

油魽魚較                     2個

醃料 ﹕

胡椒粉                       少許

紹酒                         1茶匙

鹽                             1茶匙

做法 ﹕

1. 魚較解凍後，徹底洗淨，抹乾水份，加入醃料，醃20分鐘。

2. 掃一層油在Happycall平面鑊兩邊，加熱1分鐘。

3. 將魚較(皮向上)放入鑊，合上。用中慢火焗4分鐘。

4. 不用開蓋，將整個鑊反轉，打開去氣。再合上，繼續用中慢火焗4分鐘，即成。

泰式生菜包(新豬肉)

確診數字今日升至三位數，真係令人擔心。
真係真係出街時要戴口罩，勤洗手。大家要自律。
繼續留家，自家煮💪💪

早排姪女推介尼隻"新豬肉"，見有特價100元有3包，買咗放冷宮。終於今日可以出場😂

食譜 ﹕ 泰式生菜包 (新豬肉)

材料 ﹕

新豬肉                1包

紅蘿蔔絲          適量

檸檬葉             5-6片

九層塔                1棵

香茅                    1支

乾葱                    2粒

蒜茸                2湯匙

酸柑汁            1/2個

生菜                  適量

調味 ﹕

素食蠔油        1茶匙

做法 ﹕

1. 新豬肉解凍後，拆開包裝置碗中，備用。

2. 生菜洗淨，用食用水浸片刻，隔水，備用。

3. 檸檬葉洗淨，撕走中間的梗，捲起切絲，備用。

4. 九層塔摘出幾片較大塊的葉，洗淨備用。

5. 香茅洗淨，取用白色部份，用刀拍開，切幼粒，備用。

6. 熱鑊下少許油，將新豬肉加入，炒至鬆開後，扒開中間，再下少許油，加入蒜茸、乾葱及香茅爆香後，將新豬肉一起拌炒。

7. 加入檸檬葉、紅蘿白絲及調味拌勻，關火。將九層塔用手稍握後，加入快手兜勻。

8. 上碟前，加入酸柑汁，成即。

港式燒雞(氣炸鍋版)

近日確診現雙位數，情況真係令人擔心。

大家真係要自律，保護自己外，也要為醫護著想，他們真正是抗疫戰士💪💪

昨晚已經將隻急凍雞放落普通格，再check下仲有咩肉在冰櫃。

早餐後，同老爺去上定啲凍肉，減少去街巿。

講番今晚隻燒雞先，想番舊年有段時間，每晚晚餐都要在灣仔區攪掂。其中有間茶餐廳的燒雞真係幾好食。所以想回味下，自己整。當然在屋企都好少開大油鑊去炸，唯有用氣炸鍋，做出脆皮得嚟又juicy的口感。伴個椰菜蘑菇意粉又攪拈掂😋

港式燒雞 (氣炸鍋版) 食譜 ﹕

 

材料 ﹕

急凍春雞                   1隻 (我尼隻比較大，約1200克)

鹽                        1/2湯匙 (洗雞用)

白醋                         少許 

油                             少許 

醃料 ﹕

紹酒                        2茶匙

鹽                         1/2茶匙

鹽焗雞粉                1茶匙

生抽                        1茶匙

老抽                        1茶匙

做法 ﹕

1. 雞不用拆開袋，用水浸至雞完全沒有冰。

2. 拆走袋加入鹽，捽勻全雞，靜待約20分鐘。

3. 將雞切開兩邊 (因隻雞較大，為方便處理，一開二)，清洗乾淨，尤其係雞肺等一定要清走。

4. 抹乾水份，加入醃料捽勻，不用包上保鮮紙，放入雪櫃普通格，醃最少 4小時。焗前 1小時置室溫。

5. 氣炸鍋不用預熱，煎碟掃一層油，將雞放上(雞皮向上)，用100度焗15分鐘。

6. 抽出焗盆，掃一層白醋在雞皮上，推回焗盆，轉120度焗10分鐘。

7. 抽出焗盆，掃一層油在雞皮上，推回焗盆，轉120度焗10分鐘。

8. 再抽出焗盆，掃一層油在雞皮上，推回焗盆，轉180度焗6-7分鐘，抽出焗盆，靜止約5分鐘左右，即成可上碟。

芒果蛋糕卷

上星期六買咗三個大大個芒果。
星期日用咗一個整布甸。
到星期三(1/7)假期，無返安全島又無周圍去，留家無無聊搵野消磨時間。
除煲劇外，最好就做 '亞茂' 整餅。
試下一次過焗兩底蛋餅，但失敗了。除焗的時間外(因為我分上、下層焗，時間未能掌握)，又可能用蛋糊時，份量出咗問題(因為嚐試用自已口味改變)。成品出來較濕。我要試到為止。
為咗消滅埋最後一個芒果，今日再戰蛋糕卷，先做一底，份量稍作調節。今次OK啦，蛋糕體唔濕，口感鬆軟。
YEAH! 同事明又有下午茶。