沙爆魚肚冬菇炆雞

相信而家(疫情下)大部分的老公都唔會話老婆，仲咩買埋買埋咁多野塞爆個冰箱、儲物櫃。
又係一味家中常備的食材。

食譜 ﹕ 沙爆魚肚冬菇炆雞

材料 ﹕

雞胸肉           2件 (約300克)

雞中翼           5隻

(或用半邊雞取替雞胸肉及雞翼，隨自己喜歡)

冬菇            5-6隻 (隨意)

魚肚             40克 (乾品計)

薑                   3片

獨子蒜           1粒 (切片) (普通蒜頭約4粒)

葱                   1條 (切短度)

紹酒           1茶匙

冬菇醃料 ﹕

糖        1/2茶匙 

生粉        1/2茶匙

油               1茶匙

雞醃料 ﹕

胡椒粉        少許

鹽           1/4茶匙

黃糖       1/2茶匙

生抽          2茶匙

老抽          1茶匙

生粉          1茶匙

調味 ﹕

蠔油          1湯匙

生抽          1湯匙

糖              1茶匙

胡椒粉        少許

麻油            少許

清水          5湯匙

做法 ﹕

1. 魚肚預先浸至軟身(我會中午浸定，如時間不足，用熱水浸)，洗淨切件，備用。

2. 冬菇洗淨，浸至軟身，揸乾水份，加入冬菇醃料拌勻，備用。

3. 雞洗淨切件(雞中翼原隻)，抹乾水份，加入醃料拌勻，醃約20分鐘。

4. 將調味拌勻，備用。

5. 燒熱適量油，將雞件稍煎至兩面金黃色，下薑、蒜及冬菇爆香，灒入紹酒，下調味，蓋上蓋轉中細火炆約10分鐘左右至雞肉熟。

6. 加入魚肚兜勻，再煮約5分鐘，如汁多加入適量生粉水埋芡，面放葱度，即成。

   

節瓜淡菜元貝湯

有好幾日無寫過blog，今日一次過補寫番之前的。
今次這個湯，又係網上湯水達人的配方。我見大部分材料家中常備，只欠淡菜，而且都容易買。
當晚比老爺同大少飲，佢地都話好飲

節瓜淡菜元貝湯食譜 ﹕ 改自"湯水達人"

材料：
節瓜     3個(生津止渴，消暑健脾)
元貝     2両(滋陰補血、益氣健脾，舒緩煩渴、陰虛勞損、眼睛疲勞)
豬腱    半斤

淡菜     3両(養血、補腎氣、生津)

黃豆約  2両(益氣健脾、消除水腫)

做法：
1. 節瓜用刀刮皮，切件。
2. 豬腱凍水汆水。
3. 元貝洗淨，用清浸10分鐘，浸元貝水保留。
4. 黃豆浸10分鐘。
5. 淡菜洗淨，浸約10分鐘，再沖一沖。

6. 所有材料連同元貝水注入煲內，煲 2小時，加鹽調味，完成

芒果芝士凍餅

老爺連續兩日都買芒果返嚟，第一，未食晒又買，第二，又係大大個，仲要熟到不得了。唯有將熟透的用嚟整甜品。
因芒果太過熟，有部分未雪已經轉深色，簡直影響賣相😅

食譜 ﹕ 芒果芝士凍餅 ( 7"慕士圈)

餅底材料 ﹕

消化餅           75克(約5塊)

無鹽牛油       30克

芒果芝士材料﹕

忌廉芝士     220克

淡忌廉         140克

砂糖               40克(Caster Sugar)

魚膠片          7.5克

芒果(淨肉)  160克 (打醬)

芒果粒         100克

啫喱面材料 ﹕

芒果(淨肉)  130克 (打醬)

魚膠片             5克

芒果球          適量 (隨意裝飾)

做法 ﹕

1. 忌廉芝士置溫，備用。

2. 慕士圈用牛油紙包好底，再放入一張硬咭紙，備用。

3. 將芒果肉(160克)放攪拌機內，打成芒果醬，備用。

4. 魚膠片，遂片放入冰水中浸軟，揸乾水份放入碗中，隔熱中座溶，備用。

5. 牛油座溶成液體，消化餅放入保鮮袋內壓碎，放入碗內，與牛油溶液拌勻，放入餅模中壓實成餅底，放冰格，備用。

6. 淡忌廉打發至6成，置雪櫃，備用。

7. 忌廉芝士與糖打至混合，加入芒果醬、魚膠水及忌廉拌勻。

8. 取出底，先加入1/2份芒果忌廉芝士糊。

9. 加入芒果粒後，再加入其餘的芝士糊，用手推慕士圈，將芝士糊面推至稍為平滑，置雪櫃雪約3小時(我雪過夜)。

  

10.  先準備啫喱面的材料，魚膠片遂一放入冰水中浸軟，揸乾水份，隔熱水座溶。芒果肉放入攪拌機打成醬，與魚膠水拌勻，輕手注入芝士餅面，再加上芒果粒。置雪櫃至啫喱凝固，即可。

芒果布甸

老爺過開金魚街買魚，我就叫佢行埋過花園街，睇下D芒果，平靚正就買D返來。佢一買就買咗5個大芒果反嚟。其中兩個熟到就嚟爛，即刻就攞嚟整布甸。

食譜 ﹕ 芒果布甸(大膠杯約10杯)

材料 ﹕

芒果                300克 (淨肉)

鮮忌廉            200克

鮮奶                500克

凍滾水            150克

砂糖                130克 (自行調節，每個芒果甜度不一)

魚膠片              17克

芒果粒            200克 (約2個普通芒果)

做法 ﹕

1. 將芒果肉放入攪拌機打成醬，備用。

2. 魚膠片，遂片放入冰水中，浸軟。

3. 清水及砂糖混合，煮至糖溶，不用大滾。

4. 將浸軟的魚膠片，揸乾水份，放入糖水中拌勻。

5. 把鮮奶慢慢加入拌勻，再將鮮忌廉加入拌勻。最後加入芒果粒拌勻。

6. 平均放入杯中，置雪櫃最少4小時至凝固，即可食用。

紅燒獅子頭

記得有位師姐過講，仔女大個後，仍然要回家食媽媽煮的餸，你已經嬴咗。
今次我做的獅子頭，唔用油炸(都係個句，因為開放式廚房，同時而家無工人姐姐)。改用氣炸鍋，一來唔咁多油煙，二來可以無咁油。

食譜 ﹕ 紅燒獅子頭

材料 ﹕

免治豬肉                  300克

豆腐(布包或其他)    1/2件

冬菇                              6隻

甘筍                            數片

薑                                  4片

蒜頭(我用獨子蒜)       1粒 (切片)

葱                                  1條 (切度)

紹酒                           1茶匙

白菜仔(或其他菜)      適量

醃料 ﹕

胡椒粉                        少許

五香粉                   1/2茶匙

雞粉                       1/2茶匙

黃糖                       1/2茶匙

生抽                       1/2茶匙

老抽                       1/2茶匙

蠔油                          1茶匙

麻油                            少許

生粉                          1湯匙

調味 ﹕

生抽                          1茶匙

老抽                          1茶匙

蠔油                       1/2湯匙

雞粉                          1茶匙

鹽                           1/4茶匙

糖                              2茶匙

麻油                            少許

胡椒粉                        少許

清水                          2杯

芡汁 ﹕

生粉水                         少許

做法 ﹕

1. 豆腐先用熱水沖洗，抹乾水份。與免治豬肉及醃料同放深碗內，順方向攪勻及撻至起膠。放雪櫃雪10-15分鐘。

2. 菜洗淨，備用。

3. 取出肉丸料，分4-6份(隨個人喜好，如果大粒的話，炸時要調節時間)，搓成肉圓球(我會取起一份，然後左右手，拋來拋去成圓球，目的是打走空氣，如果不懂，就咁搓圓)。

4. 將肉圓球放入氣炸鍋煎碟上，用200度炸約15分鐘至黃金色(肉圓球會出油，要中途抽出鍋，散走煙，否則會出好大煙)，取出備用。

5. 鍋內放適量油，將菜炒熟，取起備用。

6. 原鍋加少許油，將冬菇及甘筍炒香，下薑、蒜爆香後，灒紹酒，加入調味煮滾，加入肉圓球煮約10分鐘，埋芡，取起肉圓球，將菜放入，再將肉圓球放上，放上葱度，原鍋上桌。

  

              

無水海鮮鍋

再試整無水海鮮鍋。
上次我用玻璃鍋，但都痴底，仲係有苦味。
今次出動Staub，效果非常👍，只係最底一兩片菜葉有少少黃。
我最初貪心，放晒斤幾冬瓜落去，點知多到蓋唔到蓋，要取走D冬瓜，重新鋪過😅

食譜 ﹕ 無水海鮮鍋

材料 ﹕ 

海鮮隨意，我選以下

花蟹           2隻

鮑魚           6隻

大花甲     半斤

蝦             半斤

粉絲           1扎 (細)

紹菜         適量

冬瓜         適量

做法 ﹕

1. 蟹，可請魚販劏好，回家洗淨備用。(如不是即煮，原袋蟹加入冰塊放普通雪格)

2. 鮑魚清除腸胃及咀，連殼洗淨，備用。

3. 花甲及蝦洗淨，備用。

4. 粉絲用水浸軟，剪開。紹菜切短度，冬瓜去皮，切片(適中的size、唔好太厚太薄)

5. 鍋內加兩湯匙水及少許油。

6. 先放冬瓜、紹菜及粉絲。

 

7. 鋪上蝦、花甲及鮑魚。

 

8. 最後放上蟹，加蓋用中慢煮40-45分鐘，即成。

腳傷

成兩個星期無寫Blog，皆因在上個月中，洗廁所地下時，不小心整親個膝頭蓋側的筋。
當日整到都唔覺咁大鑊，只是少少痛，我仲落街買餸，只係拐下拐下咁，但到半夜真是嚟料，落地企都要慢慢，仲要扶住先可以行到。當時以為瞓到第二朝會無咩事。點知第二朝起身，企都企唔到，一行就痛到眼淚水都標出來，唯有請病假睇醫生。
醫生 ﹕條筋應該斷咗!
    我 :  😱咁誇張
醫生 :  少少咁，可能你先前整過，又無為意。留家休息，唔好行來行去，要兩三個月，等佢自己癒合。留家休息兩星期。
   我 : 醫生，我而家都是隔日返工，而且返到去都係坐多過行。你只是比今日病假我就可以。
醫生 : 咁你睇吓星期一返工後點啦! 有需要就回來再。

而家真是年紀大，無端端都攪到咁。