阿婆(Apple)廚房
人生過半,學會看淡、靜而不爭,一切隨緣 愛做飯的人,懂得付出,值得深交、 珍惜願意為你洗手作羮湯的人!
2024年3月4日星期一
柚子蜜醬 (胆粗粗版)
今早開雪櫃見到個已開好的碌柚,先想起係喎
早
前買嚟過年,上星期發現個柚皮已經冧冧地,已經快快手開咗。
有想過整柚子沙律,但係今日又寒寒凍凍,加上老爺又唔多😷應該感冒,都係唔好過幾日先算😀
睇電視時,見到人食麵包搽果JAM,望落好似柚子醬。就不如試下整柚子醬,反正唔整都係得一個人食,衰咗未當食咗🤣
立刻行動。濃稠度係OK,但味道我個人認為可酸多少少,同埋有一樣失敗的,是唔記得落D檸檬皮😅
蜜糖牛油單骨雞翼
大少無肉不歡,今晚簡單煮魚湯米粉,只得魚的話,佢就會要求加啲丸丸又或開罐午餐肉,成日話要有實在感。盡量減少在屋企比佢食咁多加工食品。為滿足佢嘅實在感,整個雞翼佢嘆🤣
材料:
雞中翼 10隻
牛油 10克
蒜蓉 2茶匙
蜜糖 1湯匙
醃料:
胡椒粉 少許
紹酒 1茶匙
鹽 1/4茶匙
糖 1茶匙
生抽 1茶匙
美極鮮醬油 1茶匙
老抽 1/2茶匙
生粉 1湯匙(煎前才加入)
做法:
1. 雞翼完全解凍後,用1茶匙鹽及過面水浸20分鐘,取出洗淨抹乾水分。剪或切開成單骨。
2. 把雞翼和醃料拌勻,醃約1小時。
3. 燒熱油鑊,下雞翼煎熟,取出。
4. 原鑊倒走多餘油份,下牛油及蒜蓉,待牛油完全溶解及蒜蓉稍轉色,把雞翼回鑊,快手兜幾下,關火。
5. 落蜜糖再兜幾下即成。
朱古力戚風蛋糕
答應整一個朱古力蛋糕給個小朋友,襯星期日有時間,立刻整定,今日早上就可以送出。
到下午,媽咪Whatsapp我 ﹕亞女放學見到就想立刻撕開個盒攞嚟食,好彩我制止到,我話你想影返個蛋糕切開個樣做記錄。影完相,一口一口咁食,我只係咗少少咋。亞女話好味,不過唔夠朱古力味(佢係朱古力精)
而我睇返切開咗的蛋糕相,我應該唔夠大力凳,因為仲有大窿窿。
我今次將個8"配方,改為6"紙盒配方。
櫻花蝦魚湯底龍躉肉米粉
老爺星期六開始作感冒,琴晚開始不流鼻水同打乞嗤。預佢無咩胃口,今晚索性煲粉食。買咗三條紅三魚做湯底,尼三條魚都唔平,三十大元😅
較新的文章
較舊的文章
首頁
訂閱:
文章 (Atom)